Шу ауданы әкімдігі білім бөлімінің оқу – әдістемелік кабинетінің ұйымдастыруымен 2018 жылдың  № 55 бұйрығымен 31 қаңтар күні С.Естемесов атындағы шағын орталықты орта мектебінің базасында «Жас  кезеңдері әр түрлі топтарда оқытудың психологиялық- педагогикалық ерекшеліктері» тақырыбында  аудандық семинар-практикум өтті.

Семинар жұмысына Шу ауданы әкімдігі білім бөліміне қарасты мектептерден педагог – психологтары, барлығы 41 психологқатысты.

Семинардың мақсаты: Оқушылардың жас ерекшеліктерін ескере отырып есте сақтау, зейін, тұрақтылықты және жадыны жақсарту арқылы танымдық қабілеттерін дамыту.

Семинар барысында, педагог-психологтар кәсіптік қарым – қатынас жасауына және шығармашылық жаңалықтарымен, идеяларымен алмасып, әлеуметтік – психологиялық білімнің маңыздылығын арттырып тәжірибе алмасты. Сонымен қатар, А.Секербекова «Жүректен жүрекке» атты тренинг ұйымдастырды, және де «Әр  түрлі жастағы балалар тобының психологиялық – педагогикалық ерекшеліктері» тақырыбында, Жайсан  орта мектебінің педагог – психологі Г.Диханбаева «Мен сені түсінуге тырысамын», «Көңіл күй мекені»тақырыбында, Баласағұн шағын орталықты орта мектебінің педагог-психологі Ж.Узенбаева «Жас кезеңдердегі топтар психологиялық – педагогикалық ойындар» тақырыбында семинар – тренингтер көрсетілді.

Кері байланыс парағында семинарға қатысушылар семинарында өздеріне көптеген пайдалы ақпараттар алғандығы туралы пікірлерін жазды.