Шу ауданы әкімдігінің білім бөлімі Жамбыл облысы әкімдігі білім басқармасының оқу-әдістемелік кабинетінің 09.09.2016 жылғы №01-05/563 хатына сәйкес педагогтің беделін арттыру, оның имиджін қалыптастыру, мұғалімдерге қамқорлық көрсету және көңіл бөлу, білім және педагог қызметкерлер мәселелеріне қоғамның назарын аударту, ел азаматтары тарапынан педагогтарға құрмет білдіру мақсатында бүкілқазақстандық Мұғалімдер күні мерекесіне орай «Ұстазыңды ұлықта!» акциясы өткізілетінін хабарлайды.

       Акция шеңберінде мерекелік бағдарламалар, кездесулер, құрмет көрсету іс-шараларын өткізуді, БАҚ-та барлық іс-шараларды жариялауды, білім беру мекемелерінің сайттарында, әлеуметтік желілерде орналастыруды, құттықтауларға арналған интернет желісінде рубликалар ашуды, акция туралы интернет желісінде түлектерге хабарлама жолдануы ұсынылады.

      Акция 2016 жылдың 26-шы қыркүйегі мен 5-ші қазан аралығында өткізіледі. Аталған акцияға оқушылар мен республиканың барлық ниет білдіретін азаматтары қатысады. Акцияның тартымды, қызықты, мерекелік сезімге толы болып өтуі үшін жұртшылықтың жаппай қатысуын қамтамасыз ету қажет.