№49 негізгі мектебінің қамқоршылық кеңес отырысының хаттамасы

«№49 негізгі мектебі » КММ жанындағы қамқоршылық кеңес отырысының

№2 ХАТТАМАСЫ

Шу қаласы « 04 » желтоқсан 2018 ж

 

Қатысқандар: Ж.Ю.Рузаева, Ж.У.Қапалбаева,А.М.Адильбеков,

А.Б.Ахмеджанова, Қ.М.Адильбеков, Б.Ш.Нұрланов, М.Е.Джанпейісов, А.Қ.Қарымсақова , С.Ж.Қапалбаев, М.О.Нұрбаев, мектеп полиция инспекторы, аға лейтенант Б.М.Досымов, мектеп директорының міндетін уақытша атқарушы Сағымбекова Н.А.

КҮН ТӘРТІБІНДЕ:

1. Мектеп директорының білім беру қызметінің сапасын ұсыну және есеп беру.

2.Администрация полиция бөлімшесінің учаскелік полиция инспекторы аға лейтенант Б.М.Досымовтың есебі.

 

Тыңдалды: Кеңес төрайымы Ж.У.Қапалбаева кеңес мүшелерін күн тәртібіндегі мәселелермен таныстырып өтті.

Бірінші мәселе бойыншамектеп директорының міндетін уақытша атқарушы Сағымбекова Н.А:

- Былтырғы 2017-2018 оқу жылында 216 оқушы, оның ішінде 51 озат оқушы, білім сапасы 68% құрайды. Биылғы 2018-2019 оқу жылына мектеп дайын. Жаз мезгілінде аудан тарапынан көмек көрсетіліп, мектеп шатырына жөндеу жұмыстары жүргізілді. Мектептің сынып бөлмелеріне интербелсенді тақта, компьютер жабдықтары, интернет желісі тартылып, аулаға бейнекамералар орнатылды. Әр сынып бөлмелерінің жөндеу жұмыстары жасалып, оқушылардың таза ауыз сумен (диспенсерлік) қамтамасыз етілуіне де ата-аналар демеушілік жасауда.

Мектебімізде жалпыға міндетті оқумен қамтудың кезекті айлығы мен «Мектепке жол»дәстүрлі жалпы республикалық қайырымдылық акциясы 2018 жылдың 1 тамызы мен 30 қыркүйек аралығындаөтті.

Мектептегі 10 аз қамтылған отбасы балалары және 4 жетім балаға демеушілер тарапынан көмек көрсетілді.

2018-2019 оқу жылынының басында азқамтылған отбасы балаларының мемлекеттік стандартқа сай құжаттары жинақталып, бір мезгіл тегін ыстық тамақпен 24 оқушы қамтылды. 24 азқамтылған оқушының ішіндегі 14 оқушы АСП,6оқушының ата-анасы еш жерде жұмыс жасамағандықтан алқа шешімімен кіргізілді,4 оқушы жетім, қамқоршылыққа алынған балалар.

Қазіргі таңда мектепте30 мұғалім жұмыс жасайды. Оның ішінде:

Жоғары санатта: 5 педагог, І санатта – 5 педагог, ІІ санатта – 9 педагог, санаты жоқ - 10 педагог бар.

Ұлттық біліктілік тестілеуден өткен 2 мұғалім, деңгейлік курсын аяқтаған мектепте 8 мұғалім, үштілді оқыту бағдарламасын оқыған 1 мұғалім бар, қазіргі таңда химия пәні үш тілде жүргізілуде.

2018-2019 оқу жылында 1, 2, 3, 5, 6, 7, 8 сынып оқушылары жаңартылған білім мазмұны бойынша білім алуда. Мектеп түгелдей дерлік электронды күнделікке көшті. І тоқсан бойынша білім сапасы 56 %-ды құрайды. Биылғы оқу жылына қойған мақсатымыз аудан бойынша ең үздік мектептер қатарына қосылу, білім сапасын 70-75 %ға көтеру.

Екінші мәселе бойынша мектеп полиция инспекторы, аға лейтенант Б.М.Досымов:

-Жалпы мектеп әкімшілігімен құқық бұзушылықтың алдын алу

мақсатында екеуара жоспар жасалып, бекітілген. Жоспар бойынша:

- Қатыгездіксіз және зорлық-зомбылықсыз балалық шақ» тақырыбында

1-9сыныптар арасында науқан / әңгімелер,кеңес/ жүргізілді.

-«Кәмілеттік жасқа толмаған қыз балалардың ерте жыныстық

қатынысқа түсуінің алдын алу» тақырыбында 8-9 сыныптар арасындажүргізілген дәріс сабағына қатыстым.

-Тексеріс барысында 1-9 сыныптар аралығында себепсіз сабақтан

қалған оқушылар анықталған жоқ.

-Әр аптаның бейсенбі күндері күндіз сағат: 10.00-12.00 аралығында Шу

қаласы базарына, 22.00-24.00 аралығында Шу теміржол бекетіне, сол манындағы интернет клубтарға, кафелерге жауапты мұғалімдермен бірге кезекшілік атқарылып, рейд жұмыстары жүргізілуде. Рейд барысында сабақ уақытында орталық базарда, басқа да қоғамдық орындарда, түнгі уақытта заңды өкілісіз көшеде жүрген балалар анықталған жоқ.

- «Ер азамат атына лайық бол!» тақырыбында 5-9 сыныптың ұлдары

арасындаотырысқа қатысып , ұлдарғаөз кеңесімді бердім.

-Мектептің 5-9 сыныптың ұлдары арасында «Зиянды әдеттен аулақ бол!» тақырыбында конференцияға қатысып, ситуациялық жағдайларда өздерін қалай ұстау керектігі, зиянды әдеттерден аулақ болуы туралы оқушыларғакеңестерімді ұсындым.

Қарымсақова Ажар:

- Мектепте білім саласындакөптеген жаңалықтар болып жатқанынан

хабардармыз. Мектептің материалдық базасының төмендігі бәрімізге белгілі, сондықтан менің ойымша мектепке ортақ шот ашып, керек құрал-жабдықтар, стендтер алып, жөндеу жұмыстарын жасауға, аз қамтылған отбасыларға және жетім балаларға көмек қорларымызды беріп отырсақ.

Ж.Ю.Рузаева:

- Ата-аналар комитетінің төрайымы ретінде мектепішілік іс-шараларға

үнемі қатысамын. Оқушылардың белсенділігі жоғары деңгейде. Астыңғы жертөледе әртүрлі іс-шаралар өткізіледі. Мероприятие өткізу барысында оқушылар музыкалық сүйемелдеу, яғни музыкалық аппарат таппай қалатын күндері болады. Сол себепті қамқоршылық кеңесінің мүшелері болып көмегімізді көрсетсек.