Кәмелетке толмаған жастардың арасындағы қылмыс себебі

және оның алдын алу

         ҚР Президенті Н.Ә.Назарбаевтың «Ұлт- жоспары қазақстандық арманға бастайтын жол» атты мақаласының мәні өте зор, себебі онда біздің мемлекеттің әрі қарай даму жолдары көзделген. Осы мақаланы негізге ала отырып, Бірлік ауылы Мұхаммед Хайдар Дулати атындағы орта мектебінде 2018 жылы қарашаның алтысында құқық тәрбие ісі жөніндегі орынбасары Л.Сауранбаевтың ұйымдастыруымен жастар арасындағы заңға қайшы келетін іс-әрекеттердің алдын-алу үшін 7-11 сынып аралығындағы оқушыларға «Жасөспірімдердің қылмыстық жауапкершілігі», «Кәмелетке толмаған жастардың арасындағы қылмыс себебі және оның алдын алу» тақырыбында кездесу өткізілді. Жиынға  ауыл әкімі Е.Қосахов, ақсақалдар алқасының мүшелері Қарамолдаев Төлеу Сейдуалиұлы және Алменов Төлеуқұл Жұмажанұлы Бірлік ауылдық округі  бойынша жастар ісі жөніндегі инспекторы А.Аралбек және Шу АПБ-нің ЖПК ЮПТ УПР-ры полиция  капитаны Н.Оракатов Шу АПБ-нің ЖПК УПР-ры полиция  капитаны З.Асланов, Н.Бекбауов білім бөлімінің әдіскері   арнайы қатысты. Жастармен өткізілген кездесуде ауыл әкімі Е.Қосахов ақсақалдар алқасының төрайымы ашып берді. Учаскелік полиция инспекторлары құқық бұзушылықтың алдын-алуға, қоғамдық тәртіпті сақтауға бағытталған шараларымен таныстырып, атқарылып жатқан жұмыстары жайлы баяндама жасады. Мектеп директорының құқық ісі жөніндегі орынбасары жастар арасында бопсалау, зорлық-зомбылық тақырыбында бейнеролик көрсетті.Әрбір оқушы бейнероликті көре отырып, заң талабына бағыну, жат қылықтар, өрескел тәртіп бұзушылыққа бармау, өзіне жүктелген міндетті орындау керек екенін ұғынды.

            Білім бөлімінің әдіскері Нариман Намазбайұлы сөзді қорытындылай келе, жастарды білім алуға, ата-ананы құрметтеуге, тек жақсы жақтан көрінуге тиісті екенін айтты.  Мектеп әкімшілігіне ата-аналармен тығыз  қарым- қатынаста жұмыс жасап, оқушылардың спорттық үйірмелерден бос болмауын қадағалауды тапсырды. Осы қоғамдық тәртіпті сақтауға бағытталған іс-шаралар қылмыспен күресу,құқықтың мәдениет пен сана сезімді қалыптастыру оқушылардың бойында табылады деп сенеміз.

Қараша айының басында Қонаев ауылы, Төле би атындағы шағын орталықты орта мектебінде Қамқоршылық кеңес мүшелері, аудандық білім бөлімінің әдіскерлері, аудандық полиция бөлімінің қызметкерлері және ата-аналармен бірлескен  «Баланың мектепте және шынайы өмірде жетістікке жетуіндегі ата-ананың құқықтық жауапкершілігі» тақырыбында семинар кеңес болып өтті.

Семинарда сөз алған АПБ бастығының міндетін уақытша атқарушы А.Қ.Өтегенов , АББ әдіскері Н.Н.Бекбауов, Қамқоршылық кеңесінің мушесі Б.Ж.Досымбеков, мектеп директоры М.Т.Султанова жеткіншектердің білім алуымен бірге саналы тәрбие алуы ең біріншіден тікелей ата-анаға байланысты екенін тілге тиек етті.

Қатты тәртіп көрсе бала кунінде

Өнерімен қуантады түбінде.

Бала нені білсе жастан, ұядан-

Өле-өлгенше соны таныр қиядан. – деп бекер айтылмаса керек.

Кеңеске келген асқар таудай әкелер, бауырына алған жасыл құрақ балаларының тәрбиесіне жауапты екендігін сезінді.

Семинарда көтерілген мәселелердің бірі некеге тұру жасы туралы болды. Осы сұрақ бойынша Шу ауданының полиция бөлімі бастығының міндетін уақытша атқарушы Ж.Қ.Өтегенов түсіндіру жумысын жүргізіп құқықтық дәріс өткізді.

Семинар соңын қорытындылаған АББ әдіскері Н.Н:Бекбауов ата-ана- бала- мұғалім үштік одақтың бірлігі бар жерде, балалар шынайы өмірде көптеген белестерді бағындырары сөзсіз екенін, әр ата-ана бала үшін тірек, ал бала жеке бір тұлға екенін естен шығармауды тиянақтады.

Санаулы күндерден соң мектептерде оқушылар үшін жазғы демалыс басталады. Демалысты қызықты әрі есте қаларлықтай өткізу үшін олар міндетті түрде суға шомылады. Алайда, суға шомылу кезіндегі қарапайым қауіпсіздік ережелерін балалардың бірі білсе, бірі біле бермейді. Білсе де дұрыс сақтамайды.

Осыған байланысты, суға шомылу кезеңінде су айдындарындағы қауіпсіздікті қамтамасыз ету және суда балалардың қаза болуы жағдайларына жол бермеу мақсатындатөмендегі ережелерді қатаң ұстануды ескертеміз.

Маусым-тамыз айларында балаларға бақылау жасау ересектер тарапынан әлсірейді. Ата-анасының жеткіліксіз көңіл бөлуі салдары орны толмас оқыс жағдайларға апады.

Балаңызды су жағасында қарауысыз қалдырмауларыңызды өтінеміз!

ТЫЙЫМ САЛЫНАДЫ!

Ø Қоршау белгісінен әрі жүзуге!

Ø Тыйым салынған орындарда суға түсуге!

Ø Балаларды қараусыз қалдыруға!

Ø Суда түсерде камераны, допты, тақтайшаны қолдануға!

Ø Суда ойнауға!

Ø Жалған айқай, қатер белгісін беруге!

Ø Өтіп бара жатырған катерге, қайыққа жақын жүзуге!

Ø Көпірден, айлақтан, қайықтан, катерден суға секіруге!

Ø Тамақ ішкен бойда суға түсуге!

Ø Таныс емес жерге сүңгуге!

Ø Дауылды күні немесе күшті соқпа толқыны бар жерлерде суға түсуге!

Ø Балдырлары бар шалшықты суға түсуге!

ШОМЫЛУШЫЛАРҒА КЕҢЕС!

Ø Суға абайлап түс.

Ø Жүзу білмесең, суға белден аса тереңдікке барма.

Ø Жалғыз шомылмауға тырыс.

Ø Егер де ағысы қатты суға түсіп кетсең, ағысқа қарсы жүзуге тырыспа, оған шамаң жетпейді. Мұндай жағдайда жағаға жақындайтындай болып ағыс бойымен жүзуің керек.

Ø Көмекке шақырудан ешқашан ұялма.

Ø Балалардың суға шомылуы тек ересектердің бақылауымен жүргізілуі керек.

ҚАУІПСІЗДІК ЕРЕЖЕСІН САҚТАҢЫЗ!

 «Судағы қауіпсіздік» ережелерін сақтау туралы рейд жұмыстарының

нәтижесі

Аудандық білім бөлімі жазғы су айдыны кезеңінде «Судағы қауіпсіздік» ережелерін сақтау туралы рейд жұмыстары ұйымдастырылып, аудандық білім бөлімінің маманы және аудандық төтенше жағдайлар бөлімінің мамандарымен 2017 жылдың 8-9 тамыз күндері жазғы демалыс кезеңінде су тоғандарындағы төтенше жағдайлардың алдын алу шаралары, қайғылы оқиғаларды болдырмау, балалардың өмірі мен денсаулығын, судағы қауіпсіздігін сақтауды қамтамасыз ету бойынша Шу қаласы мен Төле би ауылынан өтетін Шу өзенінің бойы мен каналдардың бойындағы шомылу орындарында демалушы 31 ата-ана мен 98 балаларға судағы қауіпсіздік ережелері туралы жаднамалар таратылып, судағы қауіпсіздік туралы түсіндірме жұмыстары жүргізілді. Сондай-ақ, ересек кісілерге мас күйінде шомылуға тыйым салынғаны туралы түсіндіріп, ескертулер жасалды.

Шу ауданы төтенше жағдайлар бөлімінің басшысы, подполковник Б.Калыковтың келісімімен ағымдағы жылдың 9 тамызы күні Шу өзенінің бойында «Судағы қауіпсіздік ережесін сақтау» туралы акция ұйымдастырылып, төтенше жағдайлар бөлімінің азаматтық қорғау сержанты Е.Акбар, бөлімше командирі аға сержант Н.Каркулов, аға лейтенанты Б.Бегалиев, М.Маметова орта мектебінің тәлімгері және өзен жағалауындағы демалушы ата-аналар қатыстырылып, дауыс күшейткішпен судағы қауіпсіздік ережелері түсіндірілді.

Шу ауданы әкімдігінің білім бөліміне қарасты білім мекемелері бойынша жазғы су айдыны кезеңінде «Судағы қауіпсіздік» ережелері туралы акция ұйымдастырылып, аудандық білім бөлімінің маманы және аудандық ішкі саясат «Жастар ресурстық орталығы» КММ-нің мамандарымен 2017 жылдың 3 тамызында жазғы каникул кезеңінде су тоғандарындағы төтенше жағдайлардың алдын алу шаралары, қайғылы оқиғалар болдырмау, балалардың өмірі мен денсаулығын, судағы қауіпсіздігін қамтамасыз ету бойынша халық көп шоғырланған «Андаспай» Шу өзенінің бойы, каналдар мен жекеменшік шомылу орындарында судағы қауіпсіздік ережелері туралы жаднамалар ата-аналар мен жасөспірімдерге таратылып және судағы қауіпсіздік туралы түсіндірме жұмыстарын жүргізді.